Home for christmas !

Í dag er vika í Íslandsför hjá mér og kærastanum. Ég var að enda við að klára tvö lokaverkefni svo ég brosi allan hringinn. Þá þarf bara að klára eitt lokaverkefni enn, þrífa íbúðina, pakka og svo jólafrí til Íslands. Það er líka svona ofsalega notalegur snjóstormur úti, jólatónlist í eyrunum og tilhlökkun í maganum!

Eigiði góðan Sunnudag !

- Silvá

Óskalistinn

1. Rauður varalitur, þessi er frá Make up store og heitir China red. Af einhverjum ástæðum á ég ekki rauðan varalit..mér finnst kominn tími til.
2. Break out the baubly necklace frá Modcloth. Sé það alveg fyrir mér með jólakjólnum!
3. Kubus kertastjakinn frægi eftir Mogens Lassen.
4. Jeffrey Campbell Mariel úr svörtu rúskinni. Þessir eru aldrei til í minni stærð og því búin að dreyma um þá leeengi.
5. Topcoat með gylltu stóru glimmeri, þetta heitir Shake your groove thing frá Deborah Lippmann. Gerir hvaða naglalakk sem er fancy ;)
6. Ally skirt frá Monki. Litur: Black Magic.. ég elska hvað þau nefna litina á vörunum sínum :).

- Harpa

4 kræsingar í Kaupmannahöfn

Mig langaði til þess að deila með ykkur því sem mér finnst allra allra best að "treat'a" mig með hér í Kaupmannahöfn. 

1. Chai latte á Lagkakehuset

Ég elska Chai latte á þessum árstíma og mér finnst það langbest á Lagkakehuset. Lagkakehuset er bakarí sem er mjög víða í Kaupmannahöfn og það er eiginlega sama hvar maður er, maður rekst alltaf á það!

2. Agnes Cupcakes

Bestu Cupcakes sem að ég hef smakkað. Agnes Cupcakes er staðsett í Magasín og ég mæli algjörlega með því að smakka þær ef þið eruð í Kaupmannahöfn. Ég mæli sérstaklega með því að smakka lakkrís bragðið, eins furðulega og það hljómar. 

3. Pizza á Vesuvio Of Copenhagen

Þessi pizzastaður er staðsettur á einu horninu á ráðhústorginu. Þessi staður er mjög vinsæll meðal Íslendinga og það klikkar ekki að maður heyrir alltaf í Íslendingum þegar maður sest þarna inn. Svakalega góðar pizzur og rosalega notalegur staður. Matseðillinn er aðeins í dýrari kantinum en algjörlega þess virði!

4. Ís í Paradís

Þessi litla sæta ísbúð er mjög víða í Kaupmannahöfn. Þegar ég var lítil fór afi minn, ís-unnandi mikill, alltaf með mig í þessa ísbúð því hann sagði að þetta væri besti ís í heimi.. Sem hann svo sannarlega er!

- Silvá

24 dagar til jóla!

Ég er algjört jólabarn og er farin að þrá að skreyta eitthvað. Eina jólaskrautið sem ég á hér úti í Aarhus eru þrjú jólasvín sem elskuleg móðir mín kom með fyrir mig þegar hún kom í heimsókn. Mér finnst þessi lukt hér að ofan frá Sögne Home æði og býður upp á svo mikla möguleika. Væri alveg til í að eignast eitt stykki. Finnst skreytingin líka mjög jólaleg og flott :) Ég ætla að reyna að finna eitthvað smá jólaksraut niður í bæ í kvöld. Það má búast við mikilli jólastemningu en kveikt verður á jólaskreytingum og jólatrénu, jólaveinninn kemur í heimsókn, svo verður skrúðganga og læti. Eigið góða helgi! :)

- Harpa

Könglar

Nokkrar skemmtilegar hugmyndir að jólaskrauti úr könglum, einfalt og fallegt !

- Silvá

Skurðbretti og hitaplattar frá RK Design

Ég rakst á þessi æðislega flottu skurðbretti og hitaplatta frá RK Design. Maður geymir þessi ekki niður í skúffu!

- Harpa

Lotta Agaton

Myndir: Daniella Witte

Hér er brot af myndum sem voru teknar af íbúð sem Lotta Agaton stíliseraði fyrir hönd Folkhem fyrir Housing Exhibition Annedal 2012. Þessar þrjár eru í uppáhaldi hjá mér en fleiri myndir má sjá hér.

- Harpa

Frönsk íbúð í Danmörku

Ég rakst á þessa fallegu íbúð í Boligmagasinet. Í henni býr Christina L. Jensen, hún er elskar París og fer reglulega til Frakklands og kaupir eitthvað fallegt fyrir heimilið á flóamörkuðum. Mér finnst íbúðin mjög skemmtileg og er sérstaklega hrifin af svefnherberginu, hver væri ekki til í svona fínan fataskáp? :)

- Harpa

Óskalistinn

1. Essie naglalakk í 'beyond cozy'. Silvur og gull glimmer.. Voða jólafallegt!
2. Iphone hulstur úr nýju línu Marc Jacobs. Finnst það svo flott en er jafnvel að hugsa um að skella mér frekar á H&M eftirhermu sem ég sá um daginn, aðeins skemmtilegra verð á því.
3. Grá kósýpeysa úr H&M.
4. Eyrnahlífar frá Topshop. Hlýjar eyrum án þess að rústa hári !
5. Röndótt rör frá Miss Étoile, fæst allavega í hönnunarbúðinni Bahne í Danmörku. Frekar mikið sæt.

- Silvá

Sunnudags

[1][2][3][4] 

Eigiði yndislegan sunnudag! Ég vildi að ég gæti eytt mínum í algjörri afslöppun en þarf víst að læra fyrir próf. Ætla þó að reyna að hafa það kósý með kakó og kúra mig í teppi, ji hvað það er búið að kólna!

- Harpa